苦腦中

隨著粒粒一天一天長大，慢慢（其實都真係唔係幾慢）適應左屋企。 好開心佢挨過左最危險既時刻，但隨之而黎既煩惱真係一日俾一日多。真係每一日都俾前一日多好多～～～其實都明白每日都剩返佢一個係屋企，到有人既時候一定好興奮。但係我地返完一日工，佢就訓完一日覺，真係無精神去玩D激烈野（其實更擔心係佢身體負荷唔到。尤其見到佢個樣甘得意，真係好相靜靜地抱住佢，同佢親熱親熱下。但一抱上手，倒數五秒，總會被佢高速襲擊。坦白講，我地兩個都開始有D精神崩潰啦～～無論鬧佢打佢Pat Pat佢都可以無反應，完全當你透明。 真係唔知有咩方法可以教好佢，我唔想到佢大左之後都咩都唔識，咩都唔聽。。。可以點啊？？！！

聽日覆診

粒粒返咗嚟都差唔多10日喇，聽日會返去太平道覆診。就我地觀察，佢就非常健康同正常。己經冇氣喘同咳，仲好太食添。 期侍聽日醫生講一句：“佢好返哂”啦。

我回家了

粒粒終於可以出院喇！ 回家已經三天，很精神，活潑得有點可怕，哈哈。 我們為她準滿了一個很大地方給她玩樂，食飯，訓覺，疴屎。 更為她添置了一個STEAM機同暖爐。 雖然還要食藥同覆診，不過見到佢咁精神，食藥既麻煩都一掃而空。

離開氧箱

經過多日，粒粒終於唔洗訓氧氣箱。照計應該已經多過48小時。聽日就會再多次X光喇，如果冇咩事，就可以出院。
是我多心了嗎？ 今日總有啲心緒心靈。。。係因為今日RR高咗？定還是病情太過飄忽？
不過都要唸一唸之後佢既生活，暖箱啦，毛巾啦，STEAM啦。。。

Untitled

粒粒的第二天：
第二天已經開始有點忘記了。有點寫不下去。 現在的回憶好像就是醫院，醫院再醫院。腦海中只剩下一個小小的屏幕。 這就是盡頭了嗎？

橙色走廊

橙色走廊帶領過好多唔同心情既人: 開心的, 憂心的, 期待的, 失望的, 喜極而泣的, 雙眼通紅的...

昨天巧遇兩隻小狗誕生, 今日目睹了兩隻小朋友離去, 心底深處很感慨. 每日看到周遭探病的人能夠抱著自己的伙伴交談, 玩樂, 呵護, 很羨慕. 我唸同期入iso的史立莎主人也會有同感.

期待帶著粒粒一起踏上橙色走廊的一天.

輾轉反側

入院接近一星期了, 粒粒的病情總算開始好了起來. 雖然仍然要訓氧氣箱, 不過跟據醫生觀察, 她的情況是開始有所改善. 今天看到她對外面行來行去的人開始'八卦'起來, 心頭算是寛了點. 不得不承認身心是有點累, 不過看到漸漸的好, 累的感覺也漸漸轉化成正能量起來. 醫生說今天嘗試放她出氧氣箱, 但發現身體機能還未算是最好時機, 明天再看看吧!
粒粒要加油呀, 我們等著你回來!