除夕倒數

願粒粒健康成長。

天氣

最近天氣轉涼，雖然屋企有暖風機同暖噴濕機，但都感覺到地板冰涼。之前佢有D咳，去睇醫生照左張X光，氣管有少少白。醫生話（雖然我佢得呢個醫生有D流。呢咪個個台灣佬）：係狗瘟既徵兆。仲話呢個病係會反反覆覆，如果佢係主診醫生，佢會要粒粒食足一個月抗生素。算啦，星期六覆診再睇下點啦。

不過，雖然天氣凍左，佢身體又唔好，但都無礙佢超級好動既性格。呢幾日買左本數黎睇，發現原來佢係屬於活潑好動型既狗仔。坦白講，自己一向都鍾意D比較靜既狗仔（第一次見粒粒既時候，佢好溫順，一D都唔似係曳種）。無辦法，所以買左個狗籠，以為佢曳既時候可以deng佢驚下，點知宜家佢幾乎只要我係屋企，佢都係係籠度。一出黎又係不受控制。係唔係真係要攞出去俾人train下呢？